Hanyser
AUSDRUCK
Dołączył: 14 Wrz 2006
Posty: 631
Przeczytał: 0 tematów
Skąd: Siemianowice Śląskie
Płeć: 
|
 Wysłany: 08.09.2007 - 22:21 Temat postu: Re: Koncek "obiboki" |
|
|
"OBIBOKI"
Obiboki siedzom w doma;
wolom dostać "kuroniówa",
abo łopierdolić oma,
może wleci w kabza stówa...
Jes tyż tak, że tyn co robi,
by zarobić na posiłek;
mnij łod lesera zarobi,
bo tyn mo wiynkszy zasiłek.
Lub ajnfarty okupujom,
ludzi z kasy łopsympiajom.
Jabole za nia kupujom,
na swój los durch narzykajom.
A takiygo sie zapytej:
czyby niy chciol co zarobić?
Nogi za pas wartko chytej,
bo jes gotów morda obić.
Ło piniondze cie zaczypio,
stoi tam przez cołko doba.
Jak mu niy dosz - biada ślypiom,
bo Ci podbije je łoba.
Wniosek momy ironiczny,
chocioż w wymowie logiczny:
dupc robota, stoń sie z nimi
i przechodniów ciulej "z dyni",
bo sie wcale niy narobisz,
a na jabola sie zarobisz.
Wniosek momy ironiczny,
chocioż w wymowie logiczny:
dupc robota, stoń sie z nami
i przechodniów ciulej "z bani",
bo sie wcale niy narobisz,
a na jabola sie zarobisz.
(na cerwono inwencjo Dyskdżokeja)
|
|
FAQ
Szukaj
Użytkownicy
Grupy
Galerie
Rejestracja
Zaloguj się, by sprawdzić wiadomości
Zaloguj
