Dohtor Miód

DYSKDŻOKEJ · Wysłany: 09.09.2007 - 15:45 Temat postu: ŁOSTATNI KONCEK z drugi płyty

No i jest łostatni koncek z drugi płyty. Totalnie poważny, bez jaj. Jak żech nagroł wszystkie wokale i żech chioł je zapisać na twardym to mi sie komputer spierdoloł, myślołch już że mi jakoś czynść sie zdupiyła ale udało sie jakoś sformatować kompa i na nowo żech to nagroł. No! czynosty łostatni koncek!

[link widoczny dla zalogowanych]

...

Zapomniołech dodać że te wiolonczele kere tam słychać nagrała moja kumpela Olga, było to dobrych pora lot tymu.

Hanyser · Wysłany: 09.09.2007 - 20:30 Temat postu: Re: ŁOSTATNI KONCEK z drugi płyty

"Zima"

Pusto kołkastla, bo wongla brakuje,
a cołko familio zimno fes czuje.
Wyłazi fater ze swymi synkami:
z kiblami, tasiami, srogimi miechami.

Przykłodo na glajza damilio swe uszy,
czeko, aż coś sie na banie poruszy.
Wartko ze zola sie chopcy podnieśli,
na bana wersalka gibko zanieśli.

Cug zahamowoł łoroz piskliwie,
fater swym bajtlom wymownie kiwie.
Bajtle już wiedzom co robić majom,
usypać wagony wartko, jednom rajom!
Kaj idzie tam wongel chabiony ładujom,
umaraszeni na czorno i słabo sie czujom.
I łoroz łod zadku podłażom sokiści,
ciulajom po mordach choby sadyści.

Tyn koncek złodziejstwa wcale niy popiero,
informuje ino, że ludzie sie za to bierom,
bo legalnie wongla niy majom za co kupić,
skuli polityki rządów, kero chce ludzi wydupić.
Bo po chuj sie przejmować bidokami,
co jak im piździ w zima na bana łażom z bajtlami.
Ino co śtyry lata, polityk całuje im rzycie,
że łon zrobi porzondek, życie bydzie w dobrobycie.

A że bidok jes podatny na manipulacja,
głosuje na ciula, bo myśli, że mo racja,
ale wartko sie w felerze swoim orientuje,
i zaś z biydy w zima chabiony wongel ładuje.

Dohtor Miód · Wysłany: 10.09.2007 - 16:59 Temat postu:

TYN KONSEK LOZJEBOL MI GNYK Wykrzyknik

GENAU NA TA ZIMA CO IDZIE DO NOS SROGIMI KROKAMI TO BYDZIE HIT.A LO MUZIE TO JUZ NIY WSPOMINOM-"KLASYKA METALU"

hoolli · Wysłany: 10.09.2007 - 19:57 Temat postu:

DJ'okej muza pasi do koncka jak cygaryta do piwa....ta wiolonczela w pelni loddowo zimowy klimat....mokre szczewiki, sine rynce, wszyndzie biolo
jak to slysza to mi sie spomino soundtrack z filmu Requiem For A Dream.....moze ftos kojarzy Pytajnik

Dohtor Miód · Wysłany: 10.09.2007 - 22:31 Temat postu:

TOC ,ZE KOJARZA.LOSTATNIO WCIOLE EKIP KIBICOWSKICH WYKORZYSTUJE TO DO FILMIKOW LO SWOJICH HOOLS

Hanyser · Wysłany: 10.09.2007 - 23:10 Temat postu:

Wspomna, że planuja zrobić wideoklip do tego koncka. Chca ukulać własny materiał - na Hugo, dzielnicy kaj w zima na bana łazi sie średnio co 3 dni, bo tak czynsto jes usyp. Łażom wszyscy: dziołchy, omy, bajtle 5-6 letnie.

Jo ino wspomna, że znoczno czyńść ludzi, co chabiom to zwykłe złodzieje, a chabiony wongel sprzedowajom na jabole. Cóż - jabol tyż rozgrzywo...

Robia se otwarto furtka, bo moga niy mieć czasu, a taki klip to trocha pracochłonne. Nojwyży posznupia gotowych materiałów na necie, i zrobia coś na wzór wideoklipu z "Dziołszki". W kożdym tyn KLIP musi powstoć...

Abo może zrobić wspólny, knutomaniacki teledysk - kożdy podesłołby mi swoje materiały i z tego by co ukulać? Czekom na propozycje Fest radosny

ToxiC · Wysłany: 11.09.2007 - 18:03 Temat postu:

Jo moga zaoferować swoje talynty aktorskie i tancerskie. Mój ojciec boł kolejarzym to moga np. ubrać copka kolejowo Diobeł

Hanyser · Wysłany: 12.09.2007 - 09:05 Temat postu:

OGŁOSZYNIE: MODE KNUTOMANIAKI! 10-13 LETNIE.

Szukom 3 synków do obsadzynio w klipie. Poszukuja tyż do roli FATRA jakegos "starszygo" chopa (ALOJZ...?), hehe

A tak poważnie - niy wiym czy uczciwie bołoby utrwalać na taśmie autynczno eskapada na bana? I dować zbliżynie na jakichś bajtli? Z jedny strony bydzie mioło to swój wyraz, z drugij to bydzie tak choby "pastwieniee sie", choby w programu "UWAGA"

ToxiC · Wysłany: 13.09.2007 - 18:14 Temat postu:

Jasne, że nakryncić cołko prowda... To co sie dzieje, a nie jakoś tam reżyserka, Jasiu...

Dohtor Miód · Wysłany: 13.09.2007 - 18:40 Temat postu:

JASIU NIY KRYNC BO TO BYDZIE PRZYPAL,CHYBA ,ZE ZAMAZES GYMBY Wykrzyknik

ToxiC · Wysłany: 14.09.2007 - 07:26 Temat postu:

Tyn film Requiem for a Dream widzialach 3 razy Diobeł

Suchom sie tego soundtracku casym, jes piykny, mom go nawet na mp3. A co do klipa to dowej to co wpadnie Ci w kamera i catuj na Sopizdów.